Fitaccen mawakin Hausa, DJ AB, ya jawo hankalin mabiyansa bayan ya wallafa sakonni biyu masu ɗauke da barkwanci a shafukansa na sada zumunta.
A sakon farko, mawakin ya yi tsokaci kan yawan tambayoyin da ake masa game da aure, inda ya rubuta:
“Yanzu na ga an rage min maganan aure, ina ga sun gaji ne.”
Daga baya kuma, ya sake wallafa wani sako yana barkwanci kan tumbinsa, yana cewa:
“Nan da December za ku nemi tumbi na ku rasa.”
Sakonnin biyu sun jawo martani daga mabiyansa, inda wasu suka yi ta raha a kan batun aure, yayin da wasu kuma suka ce za su jira su ga ko DJ AB zai cika alkawarinsa na kawar da tumbinsa kafin watan Disamba.
