TABDIJAN: “Idan kika mutu ba tare da kin taɓa samun inzali ba, kin yi rayuwa a banza” – Fasto ta shawarci matan aure
Daga Ayau News
Wata fasto, Mummy Owolabi, ta shawarci matan aure da su ƙara fahimtar zamantakewar aure da kuma jin daɗin kusancin da ke tsakaninsu da mazajensu.
Fasto Mrs Owolabi, ta bayyana hakan ne yayin wani shiri mai suna Marriage That Works, inda aka tattauna batutuwan da suka shafi rayuwar aure.
Ta ce bai kamata mata su ɗauki jima’i a matsayin hanyar haihuwa kawai ba, tana mai cewa Allah ne ya halicci jima’i kuma ya tsara shi a cikin aure.
“Idan kika mutu ba tare da kin taɓa samun inzali ba, kin yi rayuwa a banza,” in ji ta.
Ta ƙara da cewa mata suna da haƙƙin fahimtar yadda za su more kusancin aure, tare da koyon abubuwan da suka shafi rayuwar jima’i.
Ta kuma shawarci matan aure da su ƙara neman ilimi kan yadda za su inganta kusancin aure, tana mai cewa babu laifi ma’aurata su gwada wasu hanyoyin kusanci (saduwa) daban-daban a cikin aure.
