Daga Wakiliya
Mai tsaron ragar Super Eagles, Stanley Nwabali, na dab da kulla yarjejeniya da wata ƙungiya a ƙasar Saudiyya, kamar yadda rahotanni suka bayyana.
Jaridar Soccer Laduma ta Afirka ta Kudu ta ruwaito cewa wata ƙungiya daga Saudiyya ta nuna ƙwarin gwiwar ɗaukar Nwabali, duk da cewa wasu ƙungiyoyi daga Isra’ila sun taɓa nuna sha’awar sayensa.
Ana sa ran za a kammala cinikin kafin fara sabon kakar wasa.
Nwabali, mai shekara 30, bai da ƙungiya tun bayan rabuwarsa da Chippa United ta Afirka ta Kudu a watan Fabrairu.
Idan cinikin ya tabbata, hakan zai ba shi damar komawa taka leda bayan watanni yana zaman jiran sabuwar ƙungiya.
