Daga Wakiliya
Fitattun masu ƙirƙirar abubuwan barkwanci a TikTok a Najeriya, Jarvis da Peller, sun sanar da cewa za a ɗaura aurensu a ranar 1 ga Agusta, 2026.
Ma’auratan sun bayyana hakan ne ta hanyar wani gajeren bidiyo mai kayatarwa da suka wallafa a shafukansu na sada zumunta, inda aka rubuta a ƙarshensa: “Jarvis & Peller 01-08-2026.”
Sanarwar ta jawo ce-ce-ku-ce da taya murna daga masoyansu, yayin da bidiyon ya bazu cikin sauri a kafafen sada zumunta.
Jarvis da Peller na daga cikin fitattun masu ƙirƙira a Najeriya, inda suka shahara da bidiyoyin barkwanci, shirye-shiryen kai tsaye (livestream) da kuma abubuwan da suka shafi soyayya, lamarin da ya ba su miliyoyin mabiya.
Har zuwa lokacin haɗa wannan rahoto, ma’auratan ba su bayyana ƙarin bayanai game da bikin auren ba, illa ranar 1 ga Agusta, 2026 da suka sanar.
Bayan Doguwar Soyayya da Ta Ja Hankali: Shahararrun ‘Yan TikTok Jarvis da Peller Za Su Yi Aure Ranar 1 ga Agusta, 2026
Sauran bangarori
Na baya![Dan Wasan South Africa Jayden Adams Ya Mutu Jim Kaɗan Bayan Wakiltar Kasarsa a World Cup]( "Dan Wasan South Africa Jayden Adams Ya Mutu Jim Kaɗan Bayan Wakiltar Kasarsa a World Cup")
Na gaba![Fitaccen Sanatan dake kare muradun Trump da Isra’ila a Majalisar Amurka ya mutu ba zato ba tsammani]( "Fitaccen Sanatan dake kare muradun Trump da Isra’ila a Majalisar Amurka ya mutu ba zato ba tsammani")
