Daga Wakiliya
Wani ɗan Najeriya mazaunin Amurka, Adebanjo Popoola, ya amsa laifin karkatar da kusan dala miliyan 1.64 na kuɗaɗen gyaran gine-ginen gwamnati zuwa asusun bankin kansa da na iyalansa.
Popoola, mai shekaru 57, ya amsa laifuka uku na damfarar kuɗi ta hanyar sadarwa (wire fraud) a wata kotun tarayya da ke birnin St. Louis.
Masu gabatar da ƙara sun ce ya yi amfani da mukaminsa na jami’in duba gine-gine wajen bai wa kamfanonin da matarsa da ‘yar uwarsa suka kafa kwangiloli na miliyoyin daloli, duk da cewa wasu ayyukan ba a kammala su ba ko kuma ba a yi su yadda ya kamata ba.
Bincike ya nuna cewa an karkatar da kuɗin wajen biyan bashin gida, sayen motoci, tafiye-tafiye, bikin aurensa a Hawaii, caca da sauran kashe-kashe na jin daɗi.
Ana sa ran kotu za ta yanke masa hukunci a ranar 6 ga Oktoba, inda kowace tuhumar damfarar kuɗi ke ɗauke da hukuncin daurin shekaru har 20 a gidan yari tare da tara, baya ga mayar da kuɗaɗen da aka karkatar.
#Wakiliya | Muryar Arewa a Duniya
Ɗan Najeriya Ya Amsa Laifin Tura Dala Miliyan 1.64 Kuɗin Gwamnati zuwa Asusun Iyalansa
Sauran bangarori
Na baya![Najeriya ce ta Biyu abokiyar kasuwancin Amurka mafi girma a Afirka, fiye da kamfanonin Amurka 100 ke aiki a kasar -inji Jakadan Amurka a Najeriya]( "Najeriya ce ta Biyu abokiyar kasuwancin Amurka mafi girma a Afirka, fiye da kamfanonin Amurka 100 ke aiki a kasar -inji Jakadan Amurka a Najeriya")
Na gaba![Kada Ka Kashe Kanka Don Neman Faranta Wa Mace Rai, Iya Wa Mata Sai Allah -inji Malamar Aji]( "Kada Ka Kashe Kanka Don Neman Faranta Wa Mace Rai, Iya Wa Mata Sai Allah -inji Malamar Aji")
