Wani Sufeton Dan sandan a Sokoto ya fadi ya mutu jim kadan da atisayen motsa jiki
Daga Wakiliya
Wani sufeto na rundunar ’yan sandan jihar Sokoto ya mutu bayan ya fadi jim kadan da kammala atisayen motsa jiki da rundunar ke gudanarwa duk mako.
Marigayin, Sufeto Adamu Isah, yana aiki ne a sashen ayyuka na rundunar ’yan sandan jihar.
A cewar sanarwar da kakakin rundunar ’yan sandan jihar, DSP Ahmad Rufa’i, ya fitar ranar Alhamis, Isah ya fadi ne bayan ya dawo daga atisayen Walkathon da aka gudanar a hedikwatar rundunar ranar Laraba.
Sanarwar ta ce an garzaya da shi asibiti domin samun kulawar gaggawa, amma daga bisani likitoci suka tabbatar da rasuwarsa.
