Daga Wakiliya
Rundunar ‘Yan Sandan Jihar Legas ta tabbatar da faruwar wata fashewa da ake zargin bam na gida (IED) ne ya haddasa a Kasuwar Kayan Takalma da ke Mushin.
Kwamishinan ‘Yan Sandan jihar, Fatai Tijani, ya ce an boye abin fashewar ne a karkashin kujerar fasinja ta wata mota, inda ya tashi lokacin da aka kunna motar.
A cewarsa, mutum daya ne ya samu raunuka kuma an kai shi asibiti domin kula da lafiyarsa, inda aka tabbatar da cewa halin da yake ciki yana da kyau.
Tijani ya ce jami’an kwantar da bama-bamai sun gudanar da bincike a wurin, kuma ba su gano wani karin abin fashewa ba.
Ya bukaci mazauna yankin da ‘yan kasuwa su kwantar da hankalinsu tare da ci gaba da harkokinsu na yau da kullum, yana mai tabbatar da cewa jami’an tsaro sun shawo kan lamarin.
Wani abu da ake zargin Bom ne ya tashi a babbar kasuwar Lagos
Sauran bangarori
Na baya![‘Yan Asalin Najeriya 16 Dake Buga Wa Wasu Ƙasashe A Gasar Kofin Duniya Ta 2026<br>]( "‘Yan Asalin Najeriya 16 Dake Buga Wa Wasu Ƙasashe A Gasar Kofin Duniya Ta 2026<br>")
Na gaba![Jihohin Najeriya Hudu Sun Zuba Sama da Naira Biliyan 500 a Kamfanonin Jiragen Sama<br>]( "Jihohin Najeriya Hudu Sun Zuba Sama da Naira Biliyan 500 a Kamfanonin Jiragen Sama<br>")
