Remi Tinubu ta buƙaci ’yan Najeriya su rage ɓarnar abinci
Daga Wakiliya
Uwargidan Shugaban Ƙasa, Oluremi Tinubu, ta buƙaci ’yan Najeriya su rage ɓarnar abinci tare da rungumar hanyoyin da za su taimaka wajen kare muhalli.
Oluremi Tinubu ta yi wannan kira ne a saƙonta na bikin Ranar Tsabtace Duniya ta 2026, wadda aka gudanar a ranar Lahadi ƙarƙashin taken “Daga faranti masu tsafta zuwa birane masu tsafta.”
Ta ce ya zama wajibi gidaje, ’yan kasuwa da al’umma su riƙa sayen, sarrafa, amfani da kuma adana abinci yadda ya kamata.
Ta kuma yi kira da a riƙa zubar da shara yadda ya dace, tare da ƙara amfani da hanyoyin kare muhalli domin samar da al’ummomi masu tsafta da lafiya.
