Daga Wakiliya
Uwargidan Shugaban Ƙasa, Sanata Oluremi Tinubu, ta ce fara ƙananan sana’o’i kamar soya kosai, gasa masara da kuma sayar da ƙuli-ƙuli ba sa buƙatar kuɗi masu yawa.
A cikin wani bidiyo da ke yawo a kafafen sada zumunta, Remi Tinubu tana jawabi ga wata ƙungiyar mata inda ta ce gwamnati ta ƙarfafa ‘yan Najeriya ta hanyoyi daban-daban, ciki har da bayar da tallafin kuɗi ga mutane da dama.
Ta ce: “Fara kasuwancin sayar da kosai ba ya buƙatar kuɗi masu yawa. Haka nan gasa masara ko sayar da ƙuli-ƙuli ba sa buƙatar jari mai yawa. Mun ƙarfafa ‘yan Najeriya gwargwadon iko, mun ba mutane tallafi, ni ma na ba wasu da dama.” inji Remi
