Daga Wakiliya
Farashin ɗanyen mai a kasuwar duniya ya koma matakin da yake kafin rikicin Iran, bayan da zirga-zirgar jiragen ruwa ta fara dawowa a mashigar Strait of Hormuz, wadda ke da muhimmanci wajen jigilar mai da iskar gas.
Farashin gangar man Brent Crude ya sauka zuwa kusan dala 72.6, bayan ya yi tashin gwauron zabi lokacin da rikicin ya ɓarke.
Rahotanni sun nuna cewa jiragen ruwa masu ɗauke da ɗanyen mai, iskar gas (LNG), taki da sauran kayayyaki sun fara ƙara bi ta mashigar, bayan Amurka da Iran suka fara tattaunawar zaman lafiya tare da sassauta wasu takunkuman da aka kakabawa fitar da man Iran.
Sai dai har yanzu yawan jiragen da ke bi ta mashigar bai kai yadda yake kafin rikicin ba, inda wasu daruruwan jirage ke ci gaba da jiran samun damar wucewa.
Raguwar farashin ɗanyen mai ta tayar da muhawara kan ko farashin fetur zai sauka a gidajen mai. Shugaban Amurka, Donald Trump, ya zargi wasu manyan kamfanonin makamashi da kin rage farashin fetur duk da cewa farashin ɗanyen mai ya ragu.
Farashin Mai Ya Karye War-was a Kasuwar Duniya Ya Koma Farashin Da Yake Kafin Rikicin Iran
Sauran bangarori
Na baya![Bayan Barazanar Ƙara, Fasto Primate Ya Janye Fatawar Cewa Kudi Kwankwaso Ya Karba Don Bata Zaben 2027]( "Bayan Barazanar Ƙara, Fasto Primate Ya Janye Fatawar Cewa Kudi Kwankwaso Ya Karba Don Bata Zaben 2027")
Na gaba![“Ku gasa masara, ku sayar da Kosai ko Ƙuli-ƙuli” – Remi Tinubu ta ba mata shawarar dogaro da kai]( "“Ku gasa masara, ku sayar da Kosai ko Ƙuli-ƙuli” – Remi Tinubu ta ba mata shawarar dogaro da kai")
