Gwamnatin Tarayya ta baiwa kamfanin Wutar China aikin wutar Mambila
Daga Wakiliya
Gwamnatin Tarayya ta umarci kamfanin Energy China da ya sake duba hanyoyin da suka fi dacewa domin farfaɗo da aikin samar da wutar lantarki na Mambila, mai ƙarfin megawatt 3,050.
Wannan na zuwa ne bayan Najeriya ta yi nasara a shari’ar sasanta rikicin kwangilar aikin.
Ministan Wutar Lantarki, Joseph Tegbe, ya ce ana duba yiwuwar kammala aikin a matakai domin tabbatar da aiwatar da shi cikin sauƙi.
Ya kuma ce Najeriya ta samu sabbin alkawura daga wasu kamfanonin China da masu bayar da kuɗaɗen ayyuka domin hanzarta manyan ayyukan wutar lantarki da layukan rarrabawa a ƙasar.
Daga cikin ayyukan akwai Presidential Power Initiative, aikin Zungeru, da shirin East-West Super Grid, wanda gwamnati ta ce za a aiwatar da shi cikin shekaru uku.
