CREDICORP: Za ku iya samun rance don sayen solar – Tinubu ya faɗa wa ’yan Najeriya
Daga Wakiliya
Shugaban Najeriya Bola Ahmed Tinubu ya ce ’yan Najeriya za su iya samun rance don sayen kayayyaki ta shirin CREDICORP, domin mallakar Solar, motoci da na’urorin zamani ba tare da sun jira sun tara kudade na tsawon shekaru ba.
Tinubu ya bayyana hakan ne a jawabinsa na bikin cikar Najeriya shekaru 66 da samun ’yancin kai.
Ya ce shirin na daga cikin matakan gwamnati na rage radadin tsadar rayuwa da kuma bai wa ’yan Najeriya damar samun muhimman kayayyaki da za su inganta rayuwarsu da sana’o’insu.
Shugaban ya kuma ce gwamnatin na tallafa wa daliban da iyayensu ba su da karfin biyan kudin karatu ta hanyar asusun lamunin karatu na NELFUND.
