Fitaccen Jarumin Fim Nicolas Cage Ya Ce Yana Iya Tuna Abin da Ya Faru Tun Yana Cikin Mahaifiyarsa
Daga Wakiliya
Shahararren Jarumin Fim na Amurka, Nicolas Cage, ya ba da amsa mai ban mamaki lokacin da Stephen Colbert ya tambaye shi abin da yake iya tunawa tun yana ƙarami.
Cage ya ce wani lokaci yana tunanin cewa tunaninsa na farko ya fara ne tun yana cikin cikin mahaifiyarsa. Ya ce yana iya tuna cewa a lokacin yana jin kamar yana ganin fuskoki a cikin duhu, kuma yana jin wasu sauti (A lokacin da yake cikin mahaifiyarsa)
Ya ce watakila waɗannan sautukan da ya riƙa ji a lokacin su ne muryoyin mutane da da suka rika isa gare shi ta cikin mahaifiyarsa.
Ya ce kuma tun zuwansa duniya yana yawan tuna waɗannan abubuwa.
Masana kimiyya sun ce yawancin mutane ba sa iya tuna abubuwan da suka faru kafin su kai kusan shekara biyu ko uku
Ya kuke ganin wannan bayani na Nicolas Cage, zai iya zama gaskiya ko kuwa kawai ya shararo ta ne?
