Bincike Ya Nuna Fiye da Kashi 55% Na Mata a Habasha (Ethiopia) Suna Ganin Ya Dace Miji Ya Rika Lakadawa Matarsa Duka A Wasu Lokuta
Wani sabon bincike da Hukumar Kididdiga ta Ƙasa ta Habasha ta gudanar ya nuna cewa kashi 55% na mata a ƙasar na ganin akwai wasu yanayi da miji zai iya kasancewa da hujjar dukan matarsa.
Binciken, wanda ya tattara ra’ayoyin kusan mutane 30,000, ya kuma gano cewa 39% na maza suna da irin wannan ra’ayi.
Rahoton ya kuma bayyana cewa 30% na matan da suka taɓa yin aure ko shiga soyayya sun fuskanci cin zarafi ta hanyar duka, fyade ko cin zarafin zuciya. Duk da haka, 58% daga cikinsu ba su nemi taimako ko kai rahoton abin da ya faru ba.
